• Romani fialas auro caute uariatas
ex uitro fecere sibi nimium preciosas
Erga quas gessi cum summa mente laborem
/ f.17v /
Atque oculos cordis super has noctuque dieque
Intentos habui quo sic attingere possem
Hanc artem per quam fiale ualde renitebant
Tandem perfexi tibi quod Karissime pandam
Inueni petulas inter uitrum duplicatum
Inclusas caute cum sollers sepius illud
Visu lustrassem super hoc magis et magis ipse
Commotus quasdam claro uitro renitentes
Quesiui fialas mihi quas pinguedine gummi
Unxi pincello quo facto imponere cepi
Ex auro petulas super illas utque fuere
siccate volucres homines pariterque leones
Inscripsi ut sensi quo facto desuper ipsas
Armaui uitrum docto flatum tenuatum
Ignis sed postquam pariter sensere calarem
Se uitrum fiale tenuatum iunxit honeste.