• Accipe terra figulorum quantum fortem poteris inuenire et in furno cum aliis uasis ubi tantum lento igne coques uel in alio igne quousque tota sit rubea. Quando frigida fuerit mitte eam in quodam uase et tamdiu tere quousque tota sit quasi puluis. Deinde accipe aquam et misce cum ea et in alio uase cola et usque ad alium diem sic eam dimittes. Postea illam aquam proicies foras. Deinde accipe illas feces et cum alia terra qui sine sabu-
/ f.20v /
lo est misces cum duabus partibus illius fortissime terre supradicte. Postea tere eam cum malleo deinde qualecumque uas uolueris facies. Postea accipe illam fecem quam sinisti quiescere et cum oleo misces et illud uas quod fecisti antequam coquatur per totum linies. Deinde pones eum in secreto loco quoadusque totum siccetur et ne uentus ei contrarius sit. Si uero eum plumbeum facere uolueris accipies farinam de frumento et in ollam bullire eam facies et refrigerari permittes et de ipsa aqua eam per totum in circuitu linies. Postea accipe plumbum bene solutum si tamen uirideum uolueris eum facere. accipe cuprum uel auricalcum quod melius est et cum plumbo misces sic. Accipe plumbum et in uase eum optime funde. Quando totum liquefactum fuerit circumuolue manibus tuis illud in uas usque dum puluis fiat et ita vi partes auricalci limatura cum eo misces. Cum uas illud de aqua farine humefactum fuerit statim puluerabis de plumbo. Si uero uis ut croceus sit de puro plumbo id est sine limatura puluerabis. Deinde in maiori uase intus uas illud repone et in furno mitte ut sit plus splendidum et pulcrum lento tamen igni ut non nimis fortiter nec minus flebis.