• Accipe plumbum optimum et nitidum et pone in ollam nouam et arde in ignem [Fehlstelle] puluis sit. Deinde tolle eam ab igne ut refrigeretur. Postea sabulum sume et misce cum puluere illo ita tamen ut due partes sint de plumbo et tertia de sabulo ponesque in testeo uase facies uero sicut supra scriptum est ad uitrum faciendum et illud uas testeum pones in furnum et semper mouebis usque dum uitrum efficiatur. Si uero ut efficiatur uiredeum facere cupis accipe limaturam auricalci et intus cum plumbeo uitro quantum tibi uisum fuerit pone. Denique si aliquod facere uas uolueris cum fistula ferrea facies. Post hec uas illud cum uitro tolle et refrigerari sine. De isto uitro plumbeo poteris si uis cum grossino saphireo miscere ad pingendum in uitro apposita tercia parte de scoria ferri Et hec pictura in marmore ferreo est terenda.