Wil dw nun auff veÿn golt floriren daz ist zw iglicher stat als daz ein golt auff das ander werd gefloriret So nim in der appotecen gummi armoniacum als groz alz zwo arbais und zersneid das zw klaÿnen stucklein und geus weizzen ezzich dar under in ain mischelen und la daz sten uber nacht ze waichen und seich den ezzeich oben ab hubsleich und nim daz gewaicht gummi armoniacum und tw es auff ainen raÿn reibstain und reib es gar chlain und temper daz in der dick alz rubrick mit eittlem wazzer und tw es dor nach in ain mischel und florir da mit mit gold daz stet gar zirleich und schon.