Wil dw schreiben guldeÿn schrifft wÿ chlain dw wilt so nim in der appotecen aurum musicum und reib daz mit wasser auff ainem chlainen stain und reÿb daz gar wol und nim des wazzers von gummi arabico ein tail und des ein tail gemains wassers und zetreib dÿ zwaÿ wasser mit ainem finger under ainander in ainer raÿn mischel und twe daz zetreiben aurum musicum in die michel und ze treib es under ainander (//f. 220v) in der dick alz ein robrick und schreib dar mit waz dw wilt und la das trucken werden und brunir es senfftichleich mit ainem glatem wolfs zand so wirt dÿ schrift schon und gancz gold var.