Wil dw machen schon vein paris rot so nim zw dem (//f. 223v) ersten und mach ein laug auz der weidaschen und nim einer specie haiezzet laga da mit man daz loesch verbet daz schol man zerstozzen ze kleÿnem puluer und schol dÿ laugen haiz machen und schol daz puluer von dem lacka in dÿ haizzen laugen reren und schol daz undereinander ruren unnd laz es alzo stan ze weissen uber nacht an dem morgen schol man die varb zw dem fewr seczen und schol seÿ ruren an untterlas und schol es alzo sieden halb als lang als man fisch seudet und schol den aluminis glaciei in varb twn ein secklin und schol es wol ruren piz daz es zerget dar nach heb dÿ varbe von dem fewr und la seÿ uber schahen und seich dÿ varb durch ein raÿn zwilhen tuch und ring die varbe in dÿ uberlauttern chacheln und nim den alumen der iar chlain seÿ ze riben ze puluer und rer daz puluer langfein in dÿ varbe und rur es al da mit mit einem lofflein bis daz der alun in der varbe seÿ zergangen