Notandum wil dw golt legen auff ein czin an alle varb so schol man nemen daz czin und schol schaben daz es lauter werd und schol nemen hewschafft daz die messerer nemen da sÿ dÿ hefft mit schon machen und reib es da mit und leg daz golt dar auff und polir es mit einem zand so wirt es schon
Wil dw machen golt var so schol dw nemen ze riben agstan und leinen ol ains als vil alz des andern und tw es in ein teglein und secz es auff ein füer und las es sieden uncz an dÿ weil pis daz es undereinander zer ge daz es sieden werd und nim es den herab und waz man mit dem selbing bestreicht da von cku pder vpn plfy ist daz ist schon vergolt