Eyn gut rubericken zw machen etc.
Reyb zw dem ersten den zynnober gar wol mit weyssen win vnd wen eß uff dem steyn gar trucken wirt, so sal man wein dar an schutten vnd mer dar an reyben; wiltu versuchen, wan eß genunck geriben sey, so nym ein tropffen vnd thu eß uff den dawmennagel vnd reyb eß mit dem andern dawmen; ist eß glatt, so hat eß genunck. Dar nach nym 3 wassers von den ayerclarn vnd reyb eß dar vnter vnd thun eß in ein tropffen honigs vnd reyb eß vnter dy rubricken vnd nym des anderen schonß horn vnd geuß als deß vorigen wassers dar vntter, byß eß recht werdt etc.