Zynober zw machen.
Item cynober zw machen, nym ein deyl quecksilber vnd eyn deil schwebel vnd temperir dy zu sammen in ein tegel, der ein engen halß hat, der also dick sey alß eyn finger oder dicker [...] gekleibt vnd laß eß trucknen vnd thu das dar eyn vnd setz in ein offen oder uff ein kolfeuer oder trifuß vnd kleib das wol da oben vnd mach ein klein feuer dar vnter vnd mach eß dar nach größer wol ein halben tag offt vnd lang du sichst raüch dar auß gen, so thu den auff, so finstu klein zynnober dar in etc.