Olivier au troissant rue de la (F.380r)
Calandre
Pour dorer ou iaunir et blanchir les medailles de cuivre
Il faut prendre trois petites escuele de terre, deux desquelles
Seront rempties deau freche, et la troisieme d´eau fort*
Et tenir un petit chauderon deau chaude tout prest meslee avec
La lie de vin.
*paradvanture que c´est d´eau de Vitriol
Apres prendre les medailles que vous voudrez iaunir et blanchir
Et les mettre dans un sac de toile escreiie, et les frotter ensemblement
Comme si on vouloit sasser ou polir des grains de chapelet.
Apres fault prendre lesdites medailles et les mell tremper une apres
L´autre dans l´escuelle deau l´eau fort, et les tirer de l´escuelle
Avec un petit baston envelope´de linge au bout,
et en les tirant de cest´eau fort, il les fault mettre dans ces
escuelles d´eau pitre, et a chascune d´icelles l´une apres l´aultre.
Et apres les ietter dans le chauderon ou sera la lie de vin.
Ou il les fault laisser iusques a ce que toutes les medailles
Que vous aurez passees l´une apres l´aultre dans ces trois –
Diverses escuelles, y soient mises.
Et cela faict vous les tirerez de ce chauderon et le les seicherez
Avec la sieure (sciure?) de peignes ou avec du linge blanc.
Apres fault choisir et separer celles qu´il fault iaunir, et celles
Qu´il fault blanchir.
Celles qu´il fault iaunir on les met sur le charbon et on les remue
Avec des pincetes, iusques a ce que la couleur iaune soit a
Perfection. Et les oster apres du feu, et les laisser refroidir. Et
En cas qu´il y en eust quelqu´une laquelle demeurat faschee pour
Avoir esté trop long temps sur le feu, il les fault mettre dans
Une escuelle plaine du vin pur rouge, et les frotter dans ce vin
Avec les doits, et apres les avoir bien sechees, il les fault encores
Remettre sur le feu comme ditt est.
(F. 380v)
Pour blanchir, il fault avoir un petit chauderon, ab y mettre mettre les Medailles dedans
De tournure d´estain fin, (c´est a dire ceque les potions coupent
En tournant les plats et aultre vaisselle d´estain)
Pour blanchir, il fault prendre un petit chauderon, mettre les
Medailles qu´on voudra blanchir dedans, et dessus de la tournure
D´estain fin une poignee, (c´est a dire ce que les potier coupent
En tournant les plats et aultre vesselles destain), apres y
Mettre de leau (de l´eau) dedans autant qu´il en fault pour couvrir
Les medailles et leds-Estain (ledit Estain), et de la lie de vin pilee a diu____
Et apres faire beui bien boullir tout cela iusques a ce quelles
Soient bien blanchies, cequ´on peult noir en tirant quelqqu´une
Dedictes medailles. Et estant bien blanchies on le tire de la
Et on les seiche bien avec ladite sieure (sciure?) de peignes, ou du
Linge blanc.
Apres les fault mettre sur charbon et les tourner et remuer
Avec les pincettes iusques a ce quelles ayent pris un plus
Beau blanchiment. Et apres il les fault laisser refroidir.
Un nommé Ollivier demeurant a la rue de la Calandre au deu
Au croissant devant l´heaume, ayant boutique devant
St. Michel, le praticque ainsy, et M. Lombard le luy
Ayant veu faire le a remarque ceque dessus, sans que
Ledit Ollivier luy en aye rien declaré.