Jachinte se fait par soffistigation en teile maniere prendes du bon voire que on prent a learach et le mettes fondre en ung pot et quant il est fondu sy mettes sus une dragme (209r) d'un grain de pesant de Ia pierre d'Arabisth ou de l'amatiste et adonc le ostez et vous averez le plus bel jachinte du monde. Item autre maniere pour res faire pierres roges belles et cleres et luisantes. Prendes de Ia pouldre du cristal preparee cent dragmes et de magnsis de fer deux dragmes et dymi si le mettes en ung pot fondre avecques le cristal par .v. jours et .v. nuyts puis ostez le feu et le laissiez refroidier si trouveres helles pierres roges cleres et luisantes pour faire jachinte et granas en alabandine et aultres pierres roiges. Et ja soit ce que toutte pierres roiges ne soient mye touttes d'une coleur toutes voyes se vous voules faire grenas si le tailliez plus espes si seront plus sanguine et rage espes a coleur de grenat et se vous les tailliez plus tenuez si aront plus eiere rage coleur pour Ia grande habundance de l'air. Et ainsy pourres faire des aultres pierres. Item aultre porrez faire prendes du sei de gemme nilrum aromatichum et les moles taut enssamble. et apres le passes parmy ung drap subtil et le mettes en eiere eauwe ung petit salee en ung vassel de voire par .I. nuyt tant qu'il soit desloije et fait eauwe de puis prendes Ia pierre que vous volez colorer et le mettes en ung petit pot neuf pour boillir en ceste eauwe adioustant ad ce le eauwe petitement jusque a x fois et puis le laissiez refroidier. Et apres prendes deux livres de bon bresil et le cuysez en eiere eauwe en ung autre pot neuf tant qu'eile soit sanguine et I 'esprovez sur vostre main et quant ce est fait si mettes ceste eauwe de bresil avecques l'autre eauwe dessusdicte (209v) en laquelle mixtion faictes boillir Ia pierre par . vj. heures ou plus puis I'extraheres et Ia metteres en ung draplet de lin desaus le oreillier de vostre lit jusque a lendemain.