La gemme mise en chyment prendes de l'esmerilll a grosse pouldre quy remaint es draps et le mettes sur la laminne de plonc quy doit estre telle. Prendes une piece de plonc de piet et dymy de long et une palme de large et ung doyt d 'espes et si le faictes sur la fourme qu'il soit en my haulte et sur les deux corons basse et soit chacun des deux corons leve si qu 'il puisse tenir la licqueur quy avalera c'est a entendre a ung orle redouble sus encontre mont. Et sur icelle table de b plonc vous mettres vostre pouldre avecques eiere eauve et nette et le frotteres justement sans varier et droitement tant et si longhement que il sera taillie et lymee a vostre plaisir. Et toutesfoix que vostre pouldre ne taillera mye bien et qu 'elle sera lymee sy y mettes de Ia nouvelle ung petit a coup et quant il a trop de matiere sur le plonc si le lavez en ung vassellet qui soit net. Et gardes Ia laveure. Et quant le plonc est lave si mettes dessus de la nouvelle pouldre et faictes comme devant tant que vostre gemme soit toutte fourmee. Et quant Ia gemme est fourmee vous prenderes une autre table de plonc si metteres sus du subtil esmeril qui soit passe a drap et frottes tous les coustes de Ia pierre pour faire plus egualle et tant Ia frottes qu 'eile soit bien planye. Et quant elle est bien planie sy mettes sus le plonc de Ia Ioveure devant dit que vous gardastes en le vassellet et le frottes encoires tant qu 'il comme esclarchii et veez cy la maniere comment on taille et fourme et planit touttes pierres precieuses et aultres naturelz et sophistichiez. Et se Ia pierre est grande si Ia devez debriser en pieces ou soyer ainsy que cy appres sera dit.