Pour faire pluseurs coleurs d 'esmaille et tout premier de coleur sanguine mettés en une Iivre de voire trois onzes de chinaberin et le cuysez par l'espace de deux jours et vous aurés coleur sanguine bonne et belle. Item quy veult fere esmaille de coleur de roge myne si prende pieces de voire subtilz et si les oinde de dragontee et le fonde si aura roge de myne. Item quy veult faire coleur meline (224v). ens une Iivre de voire de theospis une terre .xj. dragmes cuisés enssamble par trois jours. Item pour faire coleur de lait ens ung Iivre de voire mettés trois onzes d'estaing et le cuisez bien par deux jours a Ia maniere dessusdite. Item pour faire pannorum coleur prendés du voirre pannorium .I. onze et de zaibach une oze et trois dragmes de marchasite et si les molés tousdit sur une pierre avecques alkali ou aigre vin et puis si le cuisez ou fournase et enseignez ce que vous voulés sur le voire audehors ainsy que quant on le dore. Item prendés a ce mesmes une onze d'argent et une onze de erain et le ardez avecques seulphre et apres le fachiez avecques chynabre et aigrevin egallement et scribe etc. ut supra.