Pour faire d'esmaille pots et vasseaulx ainsy que les alexandrins les font. Prendes divers crisouls et mettes en l'ung d'une coleur et en l'autre d'une aultre tant qu'il vous plaist. Et puis si les pristiez tous enssamble en une masse et d'icelle masse fourmez vasseaulx telz que voules a Ia maniere dessusdite. Item aultre maniere prendes de l'esmaille bleue une partie de blanc et une partie de roge et ainsy de chascune coleur egalement et les brisiez par trespetites pieees. Et apres prendes une masse d 'esmaille et I'enboulteilles entre les pieces dessusdites sur Ia pierre des voires et faictes a Ia maniere dessusdicte.