Prendes une part de vif argent et trois pars de sulphre vif et trois pars de sel armoniach mellés les enssamble et les mettés en une amolle de voire bien luytie quy ayt Ia bouche estroite et le collong et Ia couvres d'une tablete de boix et luy donnez du feu lent du malin jusques a mydy et le reforches du mydi jusques au vespre adont regardés souvent Ia furniere de vostre amolle ostant dilligamment le couvercle et quant vous verres (238r)une bleuue fumee yssir si I 'ostes du feu et le laissez ens l'amolle jusques a l'endemain et vous trouveres dedens de l'azeur bel et bon lequel vous molleres subtillement. Et s 'il y a riens d 'obscure lavez le de lexieve eiere puis le sechies et le molles. Item prendes une partie de sell de voire deux pars de sulfre et trois pars de vif argent et les mixtes enssamble et les mettes en ung vassel de voire fort net et bien luytie et l'enfoijez dedans l'estable enfyens de chevaulx et le laissez par troisjours. Apres le mettes sus le feu a Ia maniere dessusdicte tant que Ia furniere soit tout hors allee.