Fleurs sont de diverses natures et coleurs si en fait on moult de choses mais qui en veult faire azeur si prende flours de coleur cerules c'est jaune quy croissent en sart et autre part ens jardins si les bleschiez et trahes la jussee ens ung net vassel et molles avecques du blanc de plonc tant qu'il prende coleur d'azeur. Item prendes flours venelat en gregois tapsia et aultrement cameleone si les mettes en ung vassel. En apres oindes voz mains de savon sens chaulx et puis deffroijez ces fleurs entre voz mains ens ung net vassel. En apres encoires oindes et deffroijez (239r) les fleurs ens ung net vassel et tant de foix le feres ainsy que les jleurs en deffroijant se consumeront trestoutes. Apres quant consummeez seront prendes celi confexion et le couvres dilligemment en ung net vassel ens ung chaut lieu tant que Ia confection prengne coleur advenent. Prendes des aultres fleurs de cestuy gendres mesmes et les cuisez avecques urinne bien despumee tant que ilz soient loijez et tous consummez et puis les laissez refroidier. En apres prendes jleurs de venelance .iij. livres de cuys gnace .ij. livres et de cynabrium trois firtons tout moles et le mesles enssamble ens ung mortier de keuvre et le laissez ester et bef l'estopes dilligemment et puis le mettes en ung chaudron et les cuises jusques a pouldre et quant La pouldre sera refroidie si le mesles bien et prendes de ycelle pouldre .I. Iivre et jarim net mettes en urinne despumee et le melles tant que l'orine se turbe et verdee. Et puis le mettes ou mortier avecques les aultres et bien deffroijez remettes ens ung neuf vassel au soleil par ung jour et Les mettes apres en La Journase des voires par ung jour et il en yssera azeur.
Item aultrement prendes fleurs de venelante dessusdites savon et urine despume
les mettes ens ung vassel couvert a ung lent feu tant qu'il frize puis jettes sus fleurs ghauces et I´ orinne despumee et soit encoires remise au feu tant qu'il frise. Et jettes ens ung mortier et ostez tous les ners. Et (239v) prendes de celle gnace livres et des fleurs velante .ij. livres de pauoir .ij. dr. de cynobrium .I. dr. et de ormne .I. dr. et les moles tous enssamble dillgemment et puis les mett en ung chaudron neuf et si les cuises a ung lent feu tant qu'ilz consument encrassent et vous aures bonne azeur et de bonne colleur. Jtem prendes des fleurs velantes dessusdites si les mettes en aigrevin ens ung vassel bien couvert et le mettes au lent feu tant qu'il frise. Item prendes les fueilles gnaci et les molles bien et les mettes ens ung neuf vassel plain d 'aigrevin et le mettes frire. Et puis en prendes une Iivre. Et de Ia Iacka cuite dedens urine despumee .I. once et de fleurs venlantes .I.Iivre. Et de Ia pouldre de ostree nette et lavee .iiij. dr. et mettes cestes choses ens ung mortier avecques Ia decoction de celidoine en urine .I. Iivre et du saffrain .I. dr. Touttes ces choses molles en ung vassel couvert mis au feu ou au soleil. Item prendes les fleurs de velanies dessusdites et les deflroijes avecques savon comme dit est et le mettes en ung net vassel couvert au feu en Ia maniere dessusdite. Item prendes de gnaci enervato et les mettes .viij. jours en aigrevin et puis prendes des neulates et des gnacj .I. dr. et dymy moillie ens ung mortier adjoustant du psimitin net .I. dr. et lulacim netement conficte .I. demy dr. et cynabrij demy dr. et orinne despumee .x. livres et avecques vitriol mollue .iiij. dr. et quant le vitriol sera rase le moles en ung mortier avecques urinne et le laissez rasseoir et appaisier par deux (240r) jours. Et puis prendes .iij. livres d'orinne despumee et galles molues une dragme touttes enssamble et ainsy les laissez ester par ung jour. Item se vous voules faire azur du marchiet qu'on appelle bifacium c'est de deux coleurs prendes des fleurs de velante avecques urine despumee mixtes et trules premier avecques ung baston savon et les metes en lexieve d'estable ens une amolle de voire fort et espesse et bien luytie de argille et couverte que riens de Ia vapeur n'en ysse. Et ainsy doient estre tous les vasseaulx dessusdits bien couverts et bien luitiez. Item prendes .ij. livres de feulles velante et de pavoir .I. dragme des feulles glaucques .I. Iivre de cynabrium .I. dr. et demy et truelles et mixtes bien avecques urinne despumee ens ung chaudron neuf et net a ung feu lent sans furniere tant que I 'orinne consumme et encrasse. Item prendes des baiz de sambuch quy soient meures qu'on appelle aultrement bachez de sehuz mixtes avecques gypse il fait azur se on le met avecques pur aigrevin et fort et salsugue et le mettes en lieu tene. Item des mourbees roiges et maeures avecques urinne salee fait on azur. Item des fleurs de bruiste et pouldre d 'osseaulx ars s'ilz sont mis en ung vassel avecques eauue et vin eghalement ou il soit cuyt alum zucarijn. Item bayez ebuli meurez et le puree de saffrain oriental et le pouldre de blanc corail fait on azur en Ia maniere dessusdite avecques aigrevin et urinne de tartarien.
Touttes ces choses dessusdites se veulent mettre ens pouldre laquelle sen doit mettre ens ung vassel de fort voire argillee couvert ens ung lieu humide en estables de chevaulx par .I. jour et nuyt.