Nous avons deviset l'azeur par pluseurs manieres. Si vouldrons deviser de Ia coleur de synopide cy apres mais ainchois vorons dire de lacca premiers. Il est verite que Aristote parole par figures de ceste matiere et de moult d'aultres ainsy qu 'il en parrollent aultres philozophes et aucteurs desquelz nous ne disons point partant que ce seroil chose trop prolixe et le traslatons de latin en franchois au plus pres que nous poons et touttes voyes dist Aristote ainsy.
Recordare quod herba tua habet folia stricta et longa et tres venas per quas cognos cere debes extravuersse habet altitudinem trium pedum et raro plus (. . .) multotiens minus men (. . .) .sse require dilligenter per gummi feniculi quod prodest ad opius tuum et cetera.
C'est a dire il te recorde que ton herbe a Jeulies estroites et longues et trois vaynes par lesquelles tu les dois congnoistre et a Ia haultesse de trois pies pour ce que souvent plus moult souvent mains le moix requiert dilligemment par gomme de fenoulle car il proffite a ton Oeuvre. Or regardes qui entendra telles parolles figureez mais il a des aultres philozophes. Si comme Albers de Colongne Averois et autres qui parrollent ung petitplus cler et dient ainsy que nous I 'avons translate. Prens I'erbe a toy congneue ou moix de mars et Ia racinne de ladite herbe perfore en pluseurs lieux si en yssera une licqueur de gomme de laquelle s 'on Ia cuyt il en venrra coleur de sanc qu'on appella lacca. ltem Ia rachine du jenout s'on Ia cuyst avecques urinne donrra coleur de sanc. ltem prendes du moix de mars une racine de Iire quy croist sur les vieux meurs rapant Et le nomme t on en latin edera nigra et Ia coppes en divers lieux ou elle est meilleur perfores Jusques a moytie lesdites racines a ung petit treille (241 r) et il en degouttera liqueur que de trois jours a aultres recevres et recueilleres et le cuires avec urine ainsy que deviserons cy apres. Et il se convertira en coleur sanguine et l 'apellons lacca. ltem quy veult faire lacca artificielle si prende pouldre de tresroges tueles trestenuement cuytes sovent en aigrevin salet tresaigre. Et quant il sera menez a conglutinacion mis de Ia gomme avecques de Ia urinne cuite vous aures lacca bien roge luisante. Aultrement prendes alum succarin et du voire ou du nitre autant de l'ung comme de l'autre cuyt il fait lacca laquelle cuite avecques urinne sans fumee a lent feu ens ung vassel d'arain ou de estaing a coagulation tant qu 'il viengne en trespure colleur.