Synope est une tresbelle coleur quy se fait en moult de manieres. Premiers vous prenderes vieille urinne et Ia cuyses a maniere de char tant que les lijes se trahent au fond etles colles parmy ung drap. Apres ce mettes dix bichiers ens .I. Iivre de lacca et alum Ia lacca trieules subtillement et aussy l'alum. La lacca cuises avecques demy firton d'alum de glace tant qu'il ayt coleur de sanc qu'on peult au long esprouver ou au cuire aultretant qu 'on cuyt ung poisson. Apres le colles parmy ung drap tripliciet et ce quy demourra en le drap mettes le de coste et le ramanant avecques I 'urine decuises tant que I 'urinne ayst tresroge coleur de sanc et ce mixtes avecques Ia premiere decoction. Et quant il sera taut refroidie si prendes l'aquosite deseure ens ung vassel et Ia gardes. Et les lijes ou premier vassel remanent avecques gram quantite d'eauue et le remanant mixtez avecques l'alum et soient (241v) submergiez enssamble et tantost ens ung sac soit fondus et puis sechiet au soleil et de ce faictes magdaliones. Aultrement prends urinne et la cuises tant qu'elle laira l'espume et qu'elle commencera a flottir et bollir adont mettes dedens banne lacca et bien pulverisee et la cuises par une banne heure et mettes dedens tout bellement ung pau de pouldre d 'alum de glace. En cincq livres de lacca mettes .v. dragmes d'alum et de l 'urine cuyte bien espumee .vj. estiers et adont Ia colles par ung drap cler et Ia leissez refroidier. Et apres prendes Ia .Veme. part ou Ia
.VJeme. de lacca et la desloijes en eaue teneue et quant elle est refroidie mettes avecques movant taut bellement et elle soy coagullera. En apres mettes ens ung sac espes si que Ia colleur en ysce toute endurie si faictes voz magdaliones et les mettes sechier au soleil.