Faire peut on synope en pluseurs manieres. Premiers Ia fait on de sanc de serpent et de bubaly. Et en Ynde de sanc d'oliffant quant ung jeune dragon envahist ung oliffant et le deveure. Si prent on celluy sanc coagullez et mixtez si est blanc et en fait on noble synope. Item aultrement prendes les foceaulx de roige vigne si les molles et les gardes et en teile maniere le font les Sarrezins. Item prendes fueilles de pavoir noire et les mettes en ung vassel plumbet par trois jours ens urine d'homme quy communement boive vin et chacunjour Ia mettes a l'ardeur du soleil par l'espasse de trois jours en apres vous en faictes tresnoble synope. Item prendes sandalum rubeum du bresille .et de Ia rachine de maioranne et les poulverises en une masse avecques roige vin bon et de Ia gotte de gomme cuysez enssamble (242r) et si fera synoppe