Ein annders Zinober zumachen
Nym 2 liber schwefel vnnd 3 liber mercurium zerlaß den schwefel ob koln, Inn eim verglasten geschirr, vnnd rier dann allgemelich den mercurium ye ein wenig darinn, bis der mercurium gar Inbracht wurt demnach thu die materj Inn ein glas, das oben eng seÿ setz in ein windt ofen mach erstlich ein lind feur mit kolen vf 4 stundt darnach machs ye lenger ye besser bis der Zinober beÿ 12 stunden gestanden ist vnnd so es Im glas vfsteigt so laß oben nit zu pachen stoß allwegen mit eim höltzlein wider vf vnd darneben merck das die 2 teil des glaß allwegen leer steen dann glaß zerreusst sonst.