Ein annder virneÿß
Nym Leinöl 3 pfund seud es bis es verschaimpt, darnach thu darein 1 lot gestoßnen weirach des weissen, vnnd j lot gumj, seud es dann thu j liber augstain auch darein, vnnd nem ein liber des öls ann 3 liber augstains, machs in ein hafen, vnnder einander,
wiltu dann wissen wenn es gnug hat, so nem ein papir, laß ein tropffen darauff fallen, fleust es durch so hat es nit genug, fleust es aber nit durch so hat es gnug, wann es durch fleust so seud 2 lot gumj darein, so wurt er gut, Der hafen soll mit laim umbmacht sein, eins fingers dick, vnnd soll aun rauch gesotten werden, ob kolen vnnd einem drifuß.