Rotte Dynnten zu machenn
Zum ersten von Prysilgenn, Ist mit vleyß zu merckenn, so du prisilg sieden wilt, soltu es thun wann der himel Clar, om rok on wolcken, windt, vnnd regen ist, sie gerath dir sunst nit wol. Also wurt sie gegemacht. Nym vngelesten kalck, geuß Regenwasser darauff vnnd laß vber nacht steen, morgen seyhe das lauter oben ab durch ein tuch, vnnd nym allwegen zu einer maß des wassers j lot geschabte prisillgen holtz, laß es halb einsieden vnd thu darzw ein lot gestoßnen allaun, j lot gumj Arabicum, 2 lot gumj vonn den kersenpeumen Oder aber 2 lot lauters Leym, seÿhe es dann von dem holtz ab, du magst auch ein wenig gestossen kreyden darein.