Rosin farbe Dintnn
Nym starcken esig oder wein, wieuil du wilt thu gestossenen alaun darein, wann der alaun geflossen ist, so mach daruon ein Laugen von Kalck, das sie starck vnnd dick seÿ, Nym dann 4 mal so schwer als des alauns ist gewest, gestossenn Prisilgen holtz, Inn ein gut tuch, hencke das Inn die Laugen laß ein tag vnnd ein nacht steen truck dann den safft heraus, hencks wider Inn die laugen, laß aber so lang sten vnnd trucks widerumb aus, das thu zum 3 vnnd vierten mal wann du dann also die besten farben Zum viertenmal hast außgetruckt, so lasse sie dann eintrucknen so hastu gut Rosin farb, ich halt aber man mueß gumj wasser, airclar oder aber Leimwasser darunnder thun.