Lasur plaue Dintenn machen
Nym laßur, flötz sie wol mit rainem wasser, was obschwembt schit hinweg, was sich aber zu grundt setzt, ist gut, thu sollichs 3 oder 4 mal, seych das wasser rain ab nym dann airclar, Das da berait sey mit dem schwam, thu darein ein wenig gestossnen gumj arabicum, laß so langsten, bis das gumj zerganngen ist, thu dann die lassur darein, wol zusamen gemischt, seÿhe es durch ein leine tuchlin In das horn, vnd schreib mit vnd prauchs warzu du wilt.