Item Silber oder Gold zu schreibenn
Nym silber oder gold pleter, wieuil du wilt legs auff ein reibstain spreng saltz oder salarmoniac vnnd darnach essich darauff vnd laß ein weil ligen vnnd reib es wol vnder ein annder zu puluer darnach thu es Inn ein muschel geuß lauter wasser daruber, rier es mit dem finger vmb, darnach laß ein weil zu grund sitzen, das thu so offt bis lauter darab get, darnach thu das puluer In ein horn temperirs mit gumj wasser oder einer anderen temperatur, wie die hie vornnen beÿ den gold pletern findest, schreib darmit so es trucken wurt paliers