Schreibtafalin zu machen
Thafalein, darein man pflegt mit grifflin so messin, zu schreiben, zu machen, die man mit einemem schwammer widerumb auß außwischt, Nym kalbfelen pergamen das wol geschapt vnnd mit dem pimser noch nit weiß gemacht sey, spann es auff ein Ram laß an der sonnen wol dorren Darnach nym Leinol setz es auff ein glut vnnd laß wol scheimen, nachdem laß kalt werden vnnd trinck dann das pergamen zu beden seiten gar wol mit dem öll laß dann trucken werden das thu wie yetz gemelt 3 oder 4 mal, darnach thu In das öl pleÿweis das es wie ein milch werdt, darmit bestreich das pirgament laß dann trucken werden darnach mer wie yetzunder bestreich vnd wider getrucknet solichs thu 8 oder 9 mall so ist das pirment berait, daraus mach tefalin nach deim gefallen, vnd wann die tefalin wider weissens bedurff, bestreichs nach dem wisch mit pleyweiß, oder gepranten pain