Grienn zu ferben
Ein yegclichs holtz, bain oder horn, zu ferben, Nym 2 teil spongrien, ein theil salarmoniac reibs zusamen vnd thus in starcken essich, In disen essich leg das holtz, bain oder horn laß darInn ligen bis es grien gnug wurt
Oder ferbs wie die ander grien farb beim feder ferben außweist etc.
An eim andern ort steet, man soll zu der obergrin farb des spongrien vnd salarmoniac yedes gleich nemen, das pain 14 tag darein legen etc.
Ann ein ort steet nim scharpffen essich In ein kupfergefeß, thu darein geriben spaungrüen, saltz vnd armoniac, laß sten bis es grien wurt vnd leg dann daz bain darein, bedecks bis das bain grien wurt