Rosin farb auff Leine
Ferb das tuch oder garn, so rosin farb haben wilt, zuuor auß der prisilg Rot, wie bey der Roten farb verzaichnet ist, vnnd zeuchs dann auß gewunden also naß durch ein scharpffen laugen so hastu gut Rosin farb, vnd ye weisser das tuch oder garn ist, ye schener es wurt etc.
Oder leg vngelesten kalck in wasser, laß also sten bis der kalck zu grund sitzt, dann nem das wasser oben ab an die prisilg, seuds seuch die farb thu alaun darein vnd ferbs wie das Rot.