Garn vnnd Leinwat plaw zuuerben
Nym die schwartzen Attichperlin, thorre sie an der sonnen, waiche sie dann 12 stund Inn essich, zertreib sie mit den henden, seyhe sie dann vnd trucks durch ein tuch aus, thu auch gestoßnen grienspon vnnd alaun darein Wann aber die farb liecht plaw soll sein, so nym dest mer grienspon darein, darein leg das garn oder die leinwat,
Oder nym plaue haidlper, geus wasser daran, laß sie 3 oder 4 tag waichen, siede es wol mit ein ander vnd thu alaun darein, so hastu ein gute plaue farb