Roth paris Leder zu machen
Erstlich soltu die feel ann dem Rauhen orth mit alaun wasser bestreichen, damit es wol naß werde,
Vnnd wolliche du Rot wilt ferben die henck Inn rauch bis der Rach das leder allenthalb begreifft, vnnd halt die prob an dem geschmack, wann es wol reuchet, Darnach nem ein lot prisilg, ein pecher mit regenwasser, seuds zusamen In eim hafen, seichs vnnd temperiers mit alaun, laß vberschlagen, darnach bestreich die fel darmit an der rauhen seiten, mit einem hasenfus, laß trucken werden, das thu so lang bis sie gut rot werden.