Wie man fel vergulden soll
Wiltu schafffel vberguldin, on alle temperierung, laß das leder wol weiß machen, spans darnach an ein holtz, Zwicks mit negelin, darauff, vnnd nem kalck stoß den clain, damit bestreich das leder suptil, darnach nym ein bernzan, vergleich es damit gar wol, Alßdann nym Zyn das gar thÿnn geschlagen sey, reibs auch damit, vnnd gleichs aber mit dem bern Zan, reibs wol damit es bestee, darnach nem saffran mit airclar getemperiert, oder mit Alopaticum, das trag mit einem pensel darauff, Vnnd poliers aber wol, so hastu verguldt leder etc.