Ein anndere wolschmeckende saiffen
Wiltu balbierer kügelin machen, Nym gute saiffen, schneidt die Inn ein schissel, machs an mit warmem Lauendelwasser darein thu wolschmeckend puluer, welicherlay du wilt, Als puluer von der naterwurtz etc. vnnd andern wolschmeckenden vnnd dem haupt gesunden Kreutern, Darnach mach kigelin daraus, laß aun sonnen vnnd aun Lufft trucken werden.