Der engelsch burras
Wiltu machen der engelschen burras So nim weit eschen und truossen esche ir beder glich dar nach so nim luter wasser und schùte es dar ùber Und la es stan ùber nacht und nim den ungelöschen kalg und halb so vil zucker candit und tuo es ouch in die louge Und las es aber stan ùber nacht und nim den ein reinen haffen loug sack und gùsse dis alles dar durch Und hab den din saltz also uil der eschen gewessen ist und tuo daz saltz in ein kessel oder in ein pfanne Und schutte die gegossen louge dar ùber Und setze es zuo dem fùr und la es also lang brùnnen bitz das es trucken wirt So tuo es den us der pfannen uf ein bret Und lausse es trucken bÿ dem fùr So hestu ein guoten bùras