Ein engelsch trucken virniß und guot
Item wiltu machen Ein trucken engelschen virniß So nim den gelen augestein Und stosse den zuo puluer dar nach so nim von wierouch und zerlasse den in eim haffen oder pfannelin und wenne er zerlaussen ist So rüre den den zerstossen augestein dar in und wende das geschirre das es nit brùnne Und tuo ouch dar in ein wenig wassers Und rüre ouch dar zuo ein wenig sÿmel mell und wen es dichelecht wirt So tuo es von dem fùr Und schùte es uf ein rein bret und lauss es kalt werden Und nim es den und derre es wol dar nach so stosse es Und schlach es durch ein rein tuoch So hest ein guoten virniß zuo der geschrift und uff berment und uf bappir