Den gold grunt zuo musieren der do heissett der clein gold gruntt
So nim gumi armoniacum und rip den mit starckem gumi wasser arabicum Recht wol und wen er rech wol geriben ist daz er nùd me darff zuo riben daz er sig recht als ein schmaltz uf dem nagel So recipe den zucker kandit als gros as ein erbs und rib es den ouch dar under und nim den ii tropffen oder iii alt knobloch safft und tuo es ouch dar under Dar nach so tuo den grund in ein muschelen und temperiere in mit starckem gumi arabicum wasser Als daz er us der federen gang