Von den eschen
von bonen stengeleschen
Item nim bonen stengel und derre sÿ recht wol dar nach so brenne sÿ zuo eschen und recipe den die esche und tuo sÿ in ein subbren zubber und schùtte darùber luter aqua und gùß ein loug dar us die louge ist guot zuo flecken in wullen tuoch kalt gegossen Item schùtte über die esche kalg wasser und gùsse dar us ein louge die ist guot den swartzen seipffen Item recipe die esche und tuo dar in betterlin somen der ùber nacht in win gelegen ist der somen get uff und wechssett