Wie man daz leder schön sat rot glitzen verwen sol
Item wiltu daz leder sat rot glitzen verwen So nim ein starcke loug von eÿchen eschen und sùt die loug recht wol und schume sÿ dar noch so tuo zuo iiii mossen i liber lot wol gepùlvert und i fierling alun und setze es zuo dem fùr und lo ein wal dar ùber gan und sige es den durch ein loug sack und recipe den daz leder und beisse es wol in allun wasser dar noch so lo es trucken werden An dem luft und sprette es den und striche din var dar uff iii und lo es also dick trucken werden So ist es schön sat rot dar noch so es wol trucken worden ist So licke es mit eim glas stein daz es glitzen werde so ist es bereit satt rott glitzen leder