Wiltu uß der seluer knyten machen eynen gult grunt dat man nennet eyn assis Do nym der seluer gemachten knyten also vil du wilt und riff die gar wal uff eyme steyn mit eyn wenich wassers und temperier is dan mit eyer clair ader mit dem vurgenanten wasser mit den zwen gummen und dan temperier dat in der dunne dat it usz der federen moge gayn und mysche dar under sal oromeniacum also grois als eyne erwiß und wanne du da mit wilt schryben so ruere it wal under eyn ander Uff dit assis leget man sylber und gult