[Item] wiltu aber gult drucken uff legen

(Item) wiltu aber gult drucken uff legen so nym aber der va(varben) eyne welche du wilt und riff sy gar wal mit wasser und riff mynner dan dat dritte deil alaepaticum under die knyt ader gummy serapuri ader gummi galbani dar under want dese synt fuchter und kleberachticher naturen und layet sich dat gult heften und riff ouch dar under eyn wenich zinobers und sal armoniacum Iecklichs also grois als eyne erbes und temperier it dat mit dem vurgenanten wasser van gummi ader vam eyer clair. Und mirck dat man dese vurgenanten varben ader assis sal temperieren mit zweydeil des vurgenanten wassers und dat drittedeil luter wasser want sy wurden zo starck mit ydelem bereiden wasser und temperier sy dat sy usz der federen gayn und wanne man dese vurgenanten assis numme wil nutzen so sal man sy suber behalden und wan man sy me gebruchen wil so sal man sy temperieren mit luterem wasser in der dick des vurgenanten