Wilt ir aber gult drucken uff legen gar schoyn so nemet gum[mi] armoniacum und aloepacitum gelich vil und leget die ii de[n] obernacht in starcken essich dat der essich ober dar ube[r] ge und lais is sten ober nacht und sige dan den essich obe wal abe und nym die materie und riff is gar wal und nym in der aptiecken eyns steyns heisset lapis emacit des stey[ns] sal man nemen zwirnet also vil als der ander zweiee und ryff ouch eyn wenych zukers dar under und strich dat (...) lich zwirnet uff eynen geplasterten grunt und lais da[..] wal drucken werden und brunere dat senftlich gar (....) dat it glantz werde und brunere dat gult drucken dar[...] und lait sich gar senftlich brunieren und luter und ouch g(ut?) und dz gult nymt ouch gut alter