Item nym knytte und riff sy wal mit wasser und doe dar under eyn wenich van eyme lynden kollen also vil dat die knytte da van Intferst werde ader broe under eyme becken mit eyme wasz licht und schaff dat dar in und schude dat dan uff eyn stuck knyten und wanne ir is da mit wilt machen so doit gummen wasser dar ober in eyn horngyn man mach ouch zuker kannet dar in doyn und royden wirrouch und wanne man uff perment dar mit gemacht hait so sal man dar ober schaffen mit eyme messer dat scharpe sy und gelich schaffet ryuen eyn wenich dar ober is it aber gelich slecht so darff man neit dar ober riffen und da sal man golt dar uff legen und mit eyme platten zande neder drucken und Dan senftlich ryben