Item dat vurgenante quicksylber sal man Irst alsus doeden ee man it zo dem swebel und doder doe man sal nemen saltz und doyn dat in eyne pane und dyn ij ader iij mail so vil wassers dar zo und sieden dat also lange dat dat saltz weder hart werde und ryuen it dar na kleyn uff eym steyn zo puluer Und nym dan dat quicksilber und doe it in eyn uber glesen lais bergen und doe des vurgenanten saltz puluer dar zo und ewenich essichs und nym swyns borstgen und zo dryff it da mit under eyn ander also lange dat it werde wie esche dan is it recht Dar na schode den essich dar van und ryff yt dan und den swebel und doder und do dyt yn eyn ledige eyer schael de groser sy dan de yrste und van sy vol ys so mach dat loch zo myn eyn stuck schalen als du da bouen haeß myt eyes wyß und myt waß dar umb