Item so du gult wilt legen Dat du neit ryuen wilt als In boichstabe felder off etzliche bleder an blomen Dar uff du wilt aff setzen So nym ostgen und ryff Die recht wal mit halff slecht wasser und halff guden gumme wasser und Doe it in eyn muschel off horn und strich dit gelich uff neit zo dunne und lege dat gult naß dar uff und drucke it sere senftlich neder Dat it an allen enden wal gryffe und layß it dan lange genoich lygen Dat it durchdruge wert. Dar na wusch it ouer alle mit boumwullen so geit dat ouer entzciche gult aff und weren dan etzliche pleckelger di neit Dat gult hant gegryffen so saltu die netzen mit den vurgenanten grunde und lege gult dar uff und laiß d(rugen)?