Item wie man gult uff sylber legen sal ader silber uff gult
Wiltu gult uff silber machen so nym gummi arabicum und lege is in essich und lais is uber nacht dar in lygen und due is dan dar uß in eyn schussellen und nym saff van eyner zwibeln und do dat dar yn ader deß essichs da myt yt sy gewelt und zo driff is wal mit eyme vinger ader uff eyme steyne dz it werd in der dunden dat man it moge geschriben und du salt ouch eyne cleynen troppen blywisz dar under doyn dat man dat malen sie und watu malen wilt is sy gult uff syluer ader syluer uff gult dat lege dar uff und huch mit dem atem dar an ee du is uff leges und druck is dan uff mit baumwullen und lais is eyne wile drucken und wusch is dan mit baumwulen so beklyuent die schrift schryff ouch hy mit uff gemacht boichstab sy syn roit ader bla ader presilien faruen was du wilt it sy uff gediertz ader gewasz und due in aller mais als vur So wirt is geschaffen als eyn gulden gemusiert stuck