Silber zo schryuen
Item wiltu mit sylber schryuen so nym marcksuam argenteam dat yß wismait dat die kannen gusser nutzent und lege den wismait also wil du wilt in eyn smeltz kachl uff eyne frysche glut und blase bis dat der wiszmait zo smeltz und zo fliesz als bly und wirff dan dar in eyn wenich hartzes also grois als eyn bone und lais dat usz broeen und gus is dan uff etzwas glades so is er gelutert Dar na ryff den geluterden wismait uff eyme steyn mit luterem wasser cleyn als tzynober und due in dan in eyne groisse muschel und gus wasser darube und ruere it wal mit dem vynger under eynander und lais it stayn eyne wille bis der wismait gesitzet dan guß dat wasser oben abe und gus aber me wassers dar an und rure is aber als vur und due dat iij stunt bis dat wasser luter werde und luter van dem wismait gee und lais den wismait wal zo grunde gesitzen und colligere dan den wismait in eyn reyn hornlyn und temperier den mit dem vurgenanten lampertschen wasser also dat dat iij deyl born wassers sy und in mach dat neit zo dick noch zo dunne also dat it usz der federen moge gayn und schryff da mit wat du wilt und lais it wal drugen und brunyere die schryft mit eyme gladen zande so wirt sy sylueren und glantz