Item dit nagenant Is eyn gar guit wasser edel und nutz und man mach alle farben Da mit temperieren want sy blyuent da van stede und in geit neit abe recht als eyn oylleit farbe als is die lampperschen und krieschen meister van alter hant bewert Zom Irsten nym arabycum ij deil gummy amychdalarum Dat drytte deyl und eynen quynten gumme tragantum Item eynen quynten luter wißer myren van orience Und weich die stuck ober nacht in wasser und sut it dar na in eyn phan bis it wal erwallet und sich it dor eyn duch und due ouch dar zo salarmoniacum als eyn bone und so fyl honges und mysch Dat gar wal under eyn dat wasser und halt Dat in eyme glaß bis du syn bedarfs