Item eyn andere wyse
Item zom irsten necz dat lasuyr mit dickem gumme wasser also dicke als oley und due honich dar zo als eyn hasel nosz und royr dat wail mit dem fynger uns it by na druge sy und nym dan eyn lutter lauge und schut die dar in und roere dat gar wail under eyn ander und laiß it dan staen bijs it gefalle und guysz sy abe dar na wesche it mit luterem wasser also dicke bijs die lauge dar van kome und nym dan eyn cleyn duchelgyn lynen ader tzwelch und netz dat und lege dat ober eyn mûschel und rore dan dat lasuyr mit luterem wasser und guysz snel dorch dat doichelgyn so is it geweschen