Item wie man zinober sal machen
Item wiltu zynober machen so nym ungebranten swefel und zo layß den in eyme verglesden duppen Dar na nym zwey deil quicksyluers und menge dat mit dem swefel also warm laiß is dan kalt werden und ryff it Dan wal und lege is dan in dat duppen und setz is dan uff den haffen und mach in kleyn kollen fuir dar under Dz neit zo heiß werde also lange bis dat eyn roit rauch Dar van geit so due Is aff van dem fure und bedeck sere wal und laiß is van eme selber drucken werden