Item wiltu machen zenober so mym eyne phanne die ußen und Innen sy vergleset und nym ij deil sweuels der leuendich sy Due in in die phanne und laiß in lancksam weich werden und nym eyn deil quicksilbers und doe is in essich und lege is in den sweuel und ruer Is fast bis is hart wirt und due is uff eynen rifsteyn und ryff is gar wal wan Is dan gereben is so guyß is in eyne glesen ampel Die beklebet sy mit leym Der mit rost mist sy gemacht und setz is in glundige kollen und layß is burnen wal eynen halben dach so wirt is gut zynober