Item Wiltu aber menge machen so nym eynen nûwen haben der nit wail gebacken sy und vermach den wail mit myst usz wendich und setze in In eyns kannen guszers oben und doe bly in den haben also vil du wilt und mache eyne fur umb den haben und zo laisz dat bly und rûre is mit eyme ysen leffel und burne is also lange bijs it gele esche wirt so rib dat pûlüer dan uff eyme gladen steyn und wesche is mit wasser wail Dar na lege is aber in den haben und burne is bas und rûre is alles mit dem Isen leffel bijs it roit wirt und rib is aber uff dem steyn und wesche is aber Dar na lege is an die sonne und druge is Dar na lege is aber in den haben und mach eyn cleyn fur und roere is so wirt is also roit als eyn bloit